Shree Samarth Patsantha

चिंबळी फाटा (प्रतिनिधी): श्री समर्थ नागरी सहकारी पतसंस्था या संस्थेने ३१ मार्च २०२६ अखेर तब्बल ३२० कोटी रुपयांच्या व्यवसायाचा टप्पा यशस्वीरित्या पार केला आहे. संस्थेच्या आर्थिक प्रगतीत ठेवी व कर्जवाटप यांचा महत्त्वाचा वाटा असून, १८१ कोटी रुपयांच्या ठेवी आणि १३९ कोटी रुपयांचे कर्जवाटप करण्यात आले आहे. तसेच संस्थेचे वसुल भागभांडवल ८ कोटी ३९ लाख रुपये, तर निधी ८ कोटी २३ लाख रुपये इतक्या आहे. संस्थेची गुंतवणूक ५३ कोटी ८६ लाख रुपये असून खेळते भागभांडवल २०४ कोटी रुपये इतके आहे. संस्थेची आर्थिक शिस्त आणि सक्षम व्यवस्थापन यामुळे ग्रॉस एनपीए २.९३%, नेट एनपीए २.५४% आणि थकबाकी केवळ १.०४% इतकी मर्यादित ठेवण्यात यश आले आहे. चालू आर्थिक वर्षात सभासद, ठेवीदार व कर्जदार यांच्या सक्रिय सहकार्यामुळे संस्थेने हा यशस्वी टप्पा गाठल्याचे संस्थेच्या वतीने सांगण्यात आले. याबद्दल संस्थेचे संस्थापक आधारस्तंभ संभाजीशेठ गवारे व संस्थापक अध्यक्ष शिवाजीराव गवारे यांनी सर्व सभासद, ठेवीदार व ग्राहकांचे आभार मानले आहेत

 नमस्कार !🙏 माझ्या सर्व आदरणीय सभासद, ठेवीदार, संचालक मंडळ, अधिकारी व कर्मचारी वर्ग यांना मनःपूर्वक नमस्कार. श्री समर्थ पतसंस्थेने ३२० कोटींचा महत्त्वपूर्ण टप्पा यशस्वीरित्या पूर्ण केला, ही आपल्या सर्वांसाठी अत्यंत अभिमानाची आणि आनंदाची बाब आहे. या यशामागे प्रत्येकाचा मोलाचा वाटा असून, हा प्रवास आपल्या विश्वास, सहकार्य आणि निष्ठेमुळेच शक्य झाला आहे. मी आपणा सर्वांचे मनःपूर्वक आभार व्यक्त करतो. सभासदांनी दाखवलेला विश्वास, ठेवीदारांनी दिलेली साथ आणि कर्मचाऱ्यांनी केलेले परिश्रम हेच आमच्या प्रगतीचे खरे बळ आहे. आपण दिलेल्या पाठबळामुळेच संस्था आज आर्थिकदृष्ट्या सक्षम बनली आहे आणि भविष्यातही अधिक उंच शिखरे गाठण्याचा आमचा निर्धार अधिक दृढ झाला आहे. यापुढेही पारदर्शकता, विश्वासार्हता आणि उत्कृष्ट सेवा या तत्वांवर आधारित काम करत, संस्थेची प्रगती अधिक वेगाने करण्यासाठी आम्ही कटिबद्ध आहोत. चला, आपण सर्व मिळून श्री समर्थ पतसंस्थेला आणखी उंचीवर नेऊया! मनःपूर्वक धन्यवाद! आपला, श्री अमोल सुनील गवारे  (CEO) श्री समर्थ पतसंस्था, चिंबळी फाटा हेड ऑफिस

१ एप्रिलपासून नवीन आर्थिक वर्षाची सुरुवात होते. नवीन वर्ष म्हणजे नवीन संधी, नवीन नियोजन आणि आपल्या आर्थिक भविष्यासाठी ठोस पावले उचलण्याची योग्य वेळ. या नवीन आर्थिक वर्षात आपण एक महत्त्वाचा संकल्प करूया — नियमित बचत आणि योग्य आर्थिक नियोजन. आजच्या धावपळीच्या जीवनात खर्च वाढत असताना बचत करणे अत्यंत आवश्यक झाले आहे. छोटी-छोटी बचत देखील भविष्यात मोठा आधार ठरते. योग्य ठिकाणी केलेली गुंतवणूक आपल्याला आर्थिक सुरक्षितता आणि स्थैर्य देते. 📊 या वर्षासाठी काही सोपे आर्थिक संकल्प: दर महिन्याला निश्चित बचत करणे अनावश्यक खर्च टाळणे योग्य बचत योजना निवडणे भविष्यासाठी गुंतवणूक करणे श्री समर्थ नागरी सहकारी पतसंस्था मर्या. आपल्या सभासदांसाठी विविध बचत योजना, मुदत ठेवी आणि विश्वासार्ह आर्थिक सेवा उपलब्ध करून देत आहे. या नवीन आर्थिक वर्षात, “आजची बचत – उद्याची समृद्धी” हा मंत्र स्वीकारून आपल्या आर्थिक प्रगतीची नवी सुरुवात करूया. आपल्या सर्वांना नवीन आर्थिक वर्षाच्या हार्दिक शुभेच्छा! 🎉 हे वर्ष आपल्यासाठी समृद्धी, यश आणि आर्थिक स्थैर्य घेऊन येवो, हीच शुभेच्छा. 📍 मुख्य कार्यालय: मु. पो. चिंबळी फाटा (क...